"Реал" мухлиси бўлган Алонсо Испания ҳакамлар қўмитасини тарк этди

Жорий йил июль ойида Испания Футбол Федерацияси (RFEF) Чема Алонсони ҳакамлар техника қўмитаси (CTA)га сунъий интеллект ва инновациялар бўйича маслаҳатчи сифатида таклиф этганини эълон қилган эди. У ўзининг ижтимоий тармоқлардаги постларида "Реал" клуби ишқибози эканини бир неча бор маълум қилган.

"Mundo Deportivo" нашрининг хабарига кўра, пайшанба куни Алонсо CTA президенти Франсиско Сотога қўмитадан чиқишини маълум қилган.

Айтилишича, у Испаниядан ташқарида жойлашган компаниядан иш таклифини қабул қилган. Шу боис, у янги лавозимда ишлаётган пайтда CTAдаги вазифаларини бажара олмаслигини билдирган.