"Реал" мухлислари Мбаппенинг "пўстагини қоқмоқчи"

«Реал Мадрид» мухлислари орасида  Килиан Мбаппега нисбатан жиддий норозилик кайфияти афжига чиқиб бормоқда. 

Хавфсизлик хизматлари ва клуб раҳбариятидан рухсат олиб, жароҳатдан тўлиқ тикланиш ўрнига Францияга қисқа таътилга учиб кетгани кўпчиликка маъқул келмади. У ерда футболчи тунги клубда кўрингани айтилмоқда.

Испаниядаги Cadena SER радиостанцияси хабарига кўра, «Реал»нинг бир гуруҳ ишқибозлари навбатдаги ўйинда «Сантьяго Бернабеу»да Мбаппени ҳуштакбозлик билан кутиб олишни режалаштирмоқда. 

Шу боис франциялик юлдуз майдонга тушар экан, жиддий руҳий босим ва трибуналарнинг кескин реакциясига дуч келиши кутилмоқда.