"Реал" МЮ ҳимоячисига қизиқиб қолди

"Манчестер Юнайтед" клуби ҳимоячиси Эрик Байи "Реал" Мадриднинг қизиқишлар доирасига кириб қолди.

The Sun нашри тарқатган хабарга кўра “қироллик клуби” ушбу трансферни амалга оширишда ортиқча муаммоларга дуч келмайди. Чунки, 24 ёшли ивуарлик футболчи МЮ бош мураббийи Уле Гуннар Сульшернинг режаларига кирмайди.

Маълумот учун, Байи “Манчестер Юнайтед” сафида 2016 йилдан буён тўп суриб келмоқда. У жорий мавсум бор йўғи 17та ўйинда майдонга тушди холос.