"Реал" нишонга олган Гвардиолнинг келажаги очиқланди

«Манчестер Сити» клуби ва Хорватия миллий терма жамоаси ҳимоячиси Йошко Гвардиол янги шартнома имзолади. Бу ҳақда инсайдер журналист Фабрицио Романо ижтимоий тармоқда хабар берди.

Манба маълумотига кўра, томонлар ўртасидаги янги меҳнат шартномаси 2031 йил ёзигача мўлжалланган. Қайд этилишича, клубнинг спорт директори Угу Виана ҳамда бош мураббий Энцо Мареска 24 ёшли ҳимоячини жамоанинг энг муҳим футболчиларидан бири сифатида кўрмоқда.

Аввалроқ Гвардиолга мадридлик «Реал» томонидан ҳам қизиқиш билдирилаётгани ҳақида хабарлар тарқалган эди.

Гвардиол «Манчестер Сити» сафида 2023 йил ёзидан бери тўп сурмоқда. Шу вақт ичида хорватиялик футболчи инглиз клуби таркибида 122 та учрашувда майдонга тушиб, 13 та гол урди ва 10 та голли пас берди. Transfermarkt портали маълумотларига кўра, ҳимоячининг трансфер қиймати 70 миллион еврога баҳоланмоқда.