“Реал” олти йилда олтита сардордан воз кечди

Мадриднинг “Реал” клубидан кетиши аниқ бўлиб улгурган ҳимоячи Даниэль Карвахаль сўнгги олти йил ичида  “Қироллик клуби”ни тарк этган олтинчи сардорга айланади.

Аввалроқ, “Реал” мутасаддилари Карвахаль шартномаси якунлангач, клубни тарк этишини эълон қилган эди. 34 ёшли футболчининг мадридликлар билан шартномаси 2026 йилнинг 30 июнида тугайди.

Карвахалгача клубни 2021 йилда Серхио Рамос,  2022 йилда Марсело, бир йилдан кейин Карим Бензема, 2024 йилда Начо Фернандес ва ўтган йили Лука Модрич тарк этган эди.

Карвахаль клуб тарбияланувчиси ҳисобланади. “Қироллик клуби”нинг ҳозирги сардори 2013 йил ёзидан буён асосий жамоада узлуксиз тўп суриб келмоқда.

Жорий мавсумда футболчи барча мусобақаларда 22 та ўйин ўтказди. Умуман олганда, унинг “Реал” сафидаги фаолияти 450 та ўйин ва 14 та голдан юборат.