"Реал" ўйинини бошқарган ҳакам четлатилди

Ла Лига 22-турида "Реал Мадрид"-"Эспаньол" ўртасидаги баҳсни бошқарган ҳакамлар вақтинчалик ишдан четлатилди. 

"AS" нашрининг хабар беришича, бугун тонгда Испаниянинг биринчи ва иккинчи дивизион ҳакамлари Техник ҳакамлар қўмитаси (CTA) раҳбарияти билан учрашди. Қўмита президенти Луис Медина Канталехо ўтган дам олиш кунлари йўл қўйилган хатолардан қаттиқ ғазабланганини билдирди.

Бундан ташқари, у ўнта ҳакамни вақтинча ишдан четлатиш ҳақида эълон қилди. Улар орасида "Эспаньол" – "Реал" учрашувининг бош ҳаками Алехандро Муниз Руиз ва унинг видеоассистент Хавиер Иглесиас Виллануева ҳам бор.