"Реал" посбони А Серияга йўл олиши мумкин

Мадриднинг "Реал" клуби захира дарвозабони Андрей Лунин А Сериянинг гранд жамоасига кўчиб ўтиши мумкин.

Хабарларга кўра, украиналик дарвозабон хизматларига "Милан" жиддий қизиқиш билдирмоқда. Манбага кўра, "қаймоқранглилар" собиқ футболчиси Лука Модрич Лунинни жамоага олиб келинишида ёрдам бериши мумкин. “Россонерилар” ёзда жамоани тарк этиши мумкин бўлган Майк Меньян ўрнини айнан "қироллик клуби" посбони билан тўлдирмоқчи. Лунин мадридликлар сафига 2018 йилда келиб қўшилган эди. 

Унинг “Трансфермаркт” порталидаги нархи 18 миллион еврони ташкил этади. Футболчининг “Реал” билан амалдаги шартномаси 2030 йилгача мўлжалланган. 

Маълумот учун, 26 ёшли кипер жорий мавсумда бор-йўғи битта учрашувда майдонга тушди.