“Реал” президенти Арбелоани ҳайдамоқчи, айрим директорлар бунга қарши

Мадриднинг “Реал” клуби президенти Флорентино Перес жорий мавсум тугагач, бош мураббий Альваро Арбелоани ишдан бўшатишни режалаштирмоқда.

Шу билан бирга, клуб директорлар кенгашининг айрим аъзолари Арбелоани лавозимида қолдириш ва унга ўзини кўрсатиш учун имконият ва вақт бериш тарафдори.

Бироқ Переснинг позицияси аниқ ва қатъий бўлиб қолмоқда. У ёзда янги мураббий олиб келишни режалаштирган.

Бу ҳақда журналист Хорхе Пикон X ижтимоий тармоғида хабар қилди.

Альваро Арбелоа жамоани январь ойи ўрталарида қабул қилиб олган ва бу лавозимда Хаби Алонсони алмаштирган.

Унинг бошчилигида мадридликлар Испания кубогидан 1/8 финалда, УЕФА Чемпионлар лигасидан чорак финалда чиқиб кетди.

Ла Лигада жамоа турнир тугашига 7 та ўйин қолган бир пайтда “Барселона”дан 9 очко ортда қолган ҳолда чемпионлик учун назарий жиҳатдан кичик имкониятларга эга холос.