“Реал” раҳбарияти италиялик мураббийни олиб келиш учун учинчи бор уриниб кўриши мумкин

"Реал" "Милан"ни бошқараётган Массимилиано Аллегрининг бош мураббий этиб тайинланишидан манфаатдор.

Ёзда "Реал" италиялик мутахассисни қўлга киритишга учинчи бор уриниб кўриши мумкин, деб хабар беради Corriere dello Sport. Испан клуби Аллегрини ҳар доим юқори баҳолаган ва 2019 ва 2021 йилларда икки марта уни ўз сафига қўшиб олишга яқин келган.

"Қаймоқранглилар" президенти Флорентино Перес ҳозирда синалган ва тажрибали мутахассисга ишонч билдирмоқчи.

Массимиланонинг "Милан" билан амалдаги шартномаси 2027 йилнинг 30 июнига қадар имзоланган. Қайд этилишича, мураббий "Милан"даги фаолиятидан завқланмоқда ва клубга қайтганидан хурсанд. Аллегри шаҳарни, муҳитни яхши кўради ва жамоада ўзини жуда қулай ҳис қилади.

"Реал"га айни дамда Алваро Арбелоа устозлик қилмоқда.