"Реал" Родри трансфери учун қанча тикиши маълум бўлди

Мадриднинг «Реал» клуби «Манчестер Сити» ярим ҳимоячиси Родри Эрнандес учун қандай миқдорда тўлов тайёрлаётгани маълум бўлди.

Машҳур инсайдер ва журналист Николо Скира тарқатган маълумотларга кўра, «Қироллик клуби» 30 ёшли испаниялик футболчи учун тахминан 50–60 миллион евро таклиф қилишга тайёр. 

Мадрид жамоаси раҳбарияти бу миқдор «Манчестер Сити» бошқарувини қониқтиради, деган умидда. Чунки англиялик клуб ҳали ҳам Родрини янги шартнома имзолашга кўндиришга уриниб келмоқда. 

Шу билан бирга, манбалар таъкидлашича, футболчи «Реал» билан шахсий шартнома шартлари бўйича аллақачон келишиб олган.

Эслатиб ўтамиз, ўтган жаҳон чемпионатида Родри мусобақанинг энг яхши ўйинчиси деб топилган эди. Финалда Испания терма жамоаси қўшимча дақиқаларда Аргентина устидан 1:0 ҳисоби билан ғалаба қозонган.