"Реал" Родрининг нархини тушириш учун"ўйин" қилди, футболчи рақибни танлади

Журналист Серхио Валентин Родрининг «Реал»га ўтиши нега барбод бўлгани ва «Манчестер Сити» ярим ҳимоячисининг «Барселона»га эҳтимолий трансфери ҳақида ўз фикрларини баён этди.

Унинг таъкидлашича, «Реал» катта трансатлантик лайнерга ўхшайди, аммо бошқарувда жиддий муаммолар бор. Родри бўйича келишув деярли якунланган эди: футболчи «Реал»га ўтишга тўлиқ рози бўлган, «Манчестер Сити» билан эса асосий шартлар келишиб олинганди.

Шу пайт жараёнга «Реал»нинг бош скаути Хуни Калафат аралашади ва Флорентино Пересга нархни тушириш мумкинлигини айтган. Перес унинг фикрига қулоқ тутади ва музокаралар вақтинча тўхтаб қолади.

Родрига «Реал» «Сити» билан музокараларда трансфер суммасини пасайтиришга уриниши ҳақида хабар берилади. Аммо «Манчестер Сити» бу таклифни рад этади. Шундан сўнг англиялик клуб Родрини трансфер бозорида бошқа жамоаларга фаол равишда таклиф қила бошлайди. Родри эса фақат «Реал»га ўтишни исташини маълум қилади, Флорентино Перес эса қаттиқ позицияни эгаллайди: ёки нарх туширилади, ёки умуман трансфер бўлмайди.

Натижада Родри кутишдан чарчайди. Жорже Мендеш бутун вазиятни Жозе Моуриньога етказади ва мураббий бу ҳолатдан қаттиқ ҳайратда қолади.

Валентиннинг сўзларига кўра, уч кун аввал ишга Деку киришган ва Родри билан суҳбат ўтказган. Шунингдек, у билан Ханс-Дитер Флик ва Испания терма жамоасидаги бир қатор жамоадошлари – ҳозир «Барселона» шарафини ҳимоя қилаётган футболчилар ҳам гаплашган. «Манчестер Сити» шу тариқа Родри учун курашишга тайёр яна бир клубни майдонга туширишга эришди ва футболчининг ўзи ҳам бу вариантга жиддий қизиқиш билдирган.

Энди эса, Валентин таъкидлаганидек, аввал нархни туширишга уринган «Реал»га кўпроқ тўлашга тўғри келади. Чунки энди уларнинг олдида жиддий рақиб – «Барселона» пайдо бўлди. Илгари Родри бўйича вазият «Реал» учун анча содда эди, келишув катта йўл босиб ўтганди. Ҳозир эса бундай эмас: мадридликлар наfaқат юқорироқ сумма таклиф этиши, балки Родрини яна бир бор ишонтиришига тўғри келади. Чунки аввалроқ футболчи тўлиқ улар томонида эди.

«Эслатиб ўтаман, Родри бўйича «Реал» позицияси ўзгаргани ҳақида биринчи бўлиб айнан мен хабар берганман. Ҳозир ҳам аниқ айта оламанки, «Реал»да анча вақтдан бери режалаштириш, музокаралар олиб бориш ва трансфер сиёсати бўйича ишлар жуда ночор даражада амалга оширилмоқда», – дея ёзади Валентин.

Унинг таъкидлашича, Жозе Моуриньо бу вазиятдан ҳанузгача ҳайратда ва тушунмовчиликда қолмоқда. У марказий ярим ҳимоячини жамоага олиб келишни жуда истаяпти», – деб ёзади Серхио Валентин.