"Реал" Салибани ўз сафига қўшиб олмоқчи

Лондоннинг "Арсенал" клуби ҳимоячиси Вильям Салиба фаолиятини Испания чемпионатида давом эттириши мумкин. "Реал" футболчини ўз сафига қўшиб олишни режалаштирмоқда

"Relevo" нашри хабарига кўра, "қироллик клуби" франциялик ҳимоячини 2026 йилнинг ёзида арзонроқ нархда сотиб олмоқчи ёки 2027 йилнинг июнида эркин агент сифатида шартнома имзоламоқчи. Аввалроқ, ОАВда Мадрид жамоаси Салибага 80 миллион евро тўлашга тайёр экани ҳақида хабарлар тарқалган эди.

Жорий мавсумда 23 ёшли фулбек "канонирлар" сафида АПЛда 25 та ўйин ўтказиб, 2 та гол уришга муваффақ бўлди. Чемпионлар лигасида эса олтита ўйин ўтказди. Унинг "Арсенал" билан шартномаси 2027 йилнинг 30 июнига қадар амал қилади.