“Реал” собиқ футболчиси: "Барселона" жуда зўр ўйин кўрсатяпти

Тошкент вақти билан 26-октябрдан 27-октябрга ўтар кечаси Ла Лигада "Реал Мадрид" ўз майдонида "Барселона"ни қабул қилади. Мадрид жамоасининг собиқ футболчиси Гути “Эл-Класико” ҳақида ўз фикрлари билан ўртоқлашди. Гутининг сўзларига кўра, "қироллик клуби” кўп гол уриладиган ўйинда, қийинчилик билан ғалаба қозонади.

-Мен учун “Реал” ғалаба қозониши аниқ. Аммо ғалаба осон бўлмайди, чунки "Барселона" жуда зўр ўйин кўрсатяпти. Бу учрашув голларга бой бўлади,-деди испаниялик собиқ ярим ҳимоячи.

Ҳозирда Испания чемпионатининг турнир жадвалида “кўк-анорранглилар” 27-очко билан 1-ўринда кетмоқда. Мадридликлар бўлса, 24 очко билан 2-поғонани эгаллаб туришибди.