"Реал" собиқ юлдузи Мадрид клубида қандай қилиб рухий тушкунликка тушиб қолганини айтди

"Реал" ва "Манчестер Юнайтед" клубларининг собиқ ҳимоячиси Рафаэль Варан Мадрид клубига ўтганидан кейин қандай руҳий муаммоларга дуч келгани ҳақида гапирди.

"Реал"га ўтганимдан кейин менда дастлабки муаммолар бошланди. Мен 18 ёшда эдим ва нормал ёшлигим йўқ эди. Мен ёлғиз эдим, тинимсиз машқ қилардим ва деярли ўйнамасдим. Орзуйим сўниб бораётгандек туюлди. Майдонда бор эътиборимни жамлаган эдим. Лекин кейин уйга қайтгим келмади. Бу тушкунлик эди. Мен бошқа ҳеч нарсадан завқланмадим. Муваффақиятга эришиш учун ундан ўтиш керак деб ўйлардим. 2018 йилги жаҳон чемпионатидан кейинги давр ҳам жуда оғир кечди. Орзуингга эришасан, жаҳон футболи чўққисига чиқасан, кейин эса ҳалокат юз беради. Эсимда, пандемия бу тушкун ҳолатдан чиқишимга ёрдам берди. Мен бу ҳиссиётларнинг барчасини енгиб, қайта ишга тушира олдим. График жуда катта муаммо. Бу бизнес эканлигини тушунаман. Ёки 100% ўйнамайсан, ёки робот каби ўйнайсан. Жисмоний жароҳатлар сони ортиб бормоқда ва бу ўйинчиларнинг руҳий саломатлигига катта таъсир кўрсатиши аниқ. Бу менинг спортдан кетишимнинг сабабларидан бири бўлди. Жадвал ақлдан оздирадиган эди", - дея Вараннинг сўзларини келтирди Le Monde.

Варан 2011 йилдан 2021 йилгача "Реал" сафида тўп сурган. "Қаймоқранглилар" таркибида футболчи уч марта Испания чемпиони, Испания кубоги ғолиби, шунингдек, тўрт марта Чемпионлар лигаси ғолиби бўлган.