"Реал" Торресга қизиқмоқда

"Валенсия" клуби ярим ҳимоячиси Ферран Торрес "Реал" Мадриднинг қизиқишлар доирасига кириб қолди. Бу ҳақда AS нашри хабар тарқатмоқда.

Юқоридаги манбаага кўра “қироллик клуби” 19 ёшли испаниялик футболчини кўпдан буён кузатиб келмоқда. Бироқ, “кўршапалаклар” бир неча бор уларнинг таклифини рад этишган.

Маълумот учун, Торрес 2017 йилдан буён “Валенсия”нинг асосий таркибида тўп суриб келмоқда. Унинг трансфер нархи эса 20 млн еврога баҳоланмоқда. Айни дамда клуб у билан амалдаги шартномани узайтириш бўйича музокаралар ўтказмоқда.