"Реал" Трентни муҳим турнир олдидан сафга қўшиб олмоқчи

Трент Александер-Арнольд клублар ўртасидаги жаҳон чемпионатида "Реал Мадрид" сафида ўйнаши мумкин.

Мадридликлар "Ливерпуль" ҳимоячисини эркин агент сифатида ўз сафига қўшиб олишига ишонч билдирмоқда.

"Daily Mail" нашрининг хабарига кўра, испан клуби 14 июндан 13 июлгача бўлиб ўтадиган турнирга ҳимоячини олиб кетмоқчи. Муаммо шундаки, инглиз футболчисининг шартномаси 30 июнда тугайди. Шу сабабли, мерсисайдликлар билан шартномани муддатидан олдин бекор қилиш бўйича келишувга эришиш лозим бўлади.

Таъкидланишича, мазкур ҳолатда "Реал" клубидан кичик миқдорда товон пули талаб қилиниши мумкин.