"Реал ТВ" "Сельта"га қарши учрашув олдидан яна ҳакамларни танқид қилди

"Реал ТВ" телеканали "Сельта"га қарши ўйинга тайинланган ҳакамларни танқид қилди. 

Мадридликлар Ла Лига 34-тури доирасида якшанба куни виголикларни ўз майдонида қабул қилади. Беллашувга Хесус Хиль Мансано бош ҳакам этиб тайинланди. Франсиско Эрнандес Маесо эса ВАРда ишлайди. 

Клуб телеканали Мансанонинг 2024 йилда Жуд Беллингем "Валенсия" дарвозасига урган голи инобатга олинмаганини эслаб ўтди. Бундан ташқари, яна бир қатор у бошқарган учрашувларга "Реал"га омадсизлик келтирган. 

"Бу сўнгги йирик ҳакамлик можаросининг марказида турган ҳакам Хесус Хиль Мансано. Энди у "Реал" - "Сельта" учрашувини бошқаради", - деди "Реал ТВ" бошловчиси.