“Реал” ва “Айнтрахт” ўртасидаги ягона ва супер баҳсни эслайсизми? Учрашувда нақд 10 та гол киритилган (видео)

Бугун оқшом Хельсинкида УEФА Суперкубоги учун кураш бўлиб ўтади. Соврин учун ўтган мавсум Чемпионлар лигаси ва Европа лигасида ғолиб чиққан "Реал" Мадрид ва "Айнтрахт" клублари даъвогарлик қилади.

“Реал” ва “Айнтрахт” расмий турнирларда фақат бир марта тўқнаш келишган. Бу 1960 йилда ўша пайтдаги еврокубок финалида эди. Глазгодаги “Хэмпден Парк” стадионида бўлиб ўтган ўйинга 127 000 дан ортиқ томошабин ташриф буюрди.

1960 йил 18 майда "Реал" "Айнтрахт"ни 7:3 ҳисобида мағлуб этиб, Европа кубогини қўлга киритди. Ференц Пушкаш ва Альфредо ди Стефано “қаймоқранглилар”нинг ғалабасига ҳисса қўшган. Пушкаш “покер”, ди Стефано эса “хет-трик” билан ғалабага ҳисса қўшган.

Фикрлар

Фикр қолдириш учун авторизациядан ўтинг!