"Реал" ва бошқа грандлар нидерландиялик ҳимоячини олишмоқчи

"Болонья" марказий ҳимоячиси Сэм Бёкема фаолиятини Европанинг топ клубларида давом эттириши мумкин.

Инсайдер Жанлука Ди Марцио хабар беришича, нидерландиялик футболчига Мадриддан "Реал" ва "Атлетико", Италиядан "Ювентус" ва "Интер" қизиқиш билдирмоқда. Клубларнинг барчаси уни ёзги трансферлар ойнасида ўз сафларига қўшиб олишмоқчи.

Сэм "Болонья"да 18 та ўйинда майдонга тушиб битта голли узатма амалга оширди. Transfermarkt портали 26 ёшли ҳимоячини 18 милион еврога баҳоламоқда. Унинг амалдаги шартномаси 2027 йилгача мўлжалланган.