"Реал" Верратти трансферидан воз кечди

Мадриднинг “Реал” клуби ёзги трансфер ойнасида ПСЖ ярим ҳимоячиси Марко Верраттини сотиб олмоқчи эмас. Бу ҳақда "Goal" нашри хабар бермоқда.

"Қаймоқранглилар" Верраттини ўз сафига қўшиб олмайди, чунки уларнинг таркибида ярим ҳимоячилар етарли. Бундан ташқари, клуб Дортмунднинг "Боруссия"сидан Жуд Беллингем трансфери устида ишламоқда.

Марко Верратти ПСЖда 2012 йилнинг ёзидан бери ўйнамоқда. 30 ёшли ярим ҳимоячи парижликлар учун 413 та ўйин ўтказди. Италиялик хавбек уларда 11 та гол урди ва 61 та самарали узатмани амалга оширди.