"Реал" Витинья учун 100 миллион евро ва Камавингадан воз кечишга тайёр!

ПСЖ ва Португалия терма жамоаси ярим ҳимоячиси Витинья Франция чемпионатидан Испания Ла Лигасига йўл олиши мумкин. Бу ҳақида "Fichajes" нашри журналистлари хабар бермоқда.

25 ёшли футболчини Мадриднинг "Реал" клуби ўз сафига қўшиб олмоқчи. Жамоанинг янги бош мураббийи Хаби Алонсо португалиялик футболчини Лука Модричга ўринбосар сифатида кўрмоқда. Витинья учун "қаймоқранглилар" 100 миллион евро ва Эдуардо Камавингадан  вос кечига тайёр. Франция клуби ўз етакчи футболчиларидан бири ҳисобланган Витиньяни қўйиб юборишни истамаябди. Парижликлар ва ярим ҳимоячи ўртасидаги шартнома 2027 йилга  қадар мўлжалланган.

Маълумот учун, португалиялик футболчи бу мавсум парижликлар сафида 56 та ўйинда майдонга тушиб, 8 та гол урди ва 5 та голли узатмани амалга оширди.