"Реал" Витинья учун 130 миллион евро сарфлашга тайёр

Португалия терма жамоаси ва ПСЖ клуби ярим химоячиси Витинья фаолиятини Мадриднинг "Реал"ида давом эттириши мумкин.

Маълумотларга қараганда, "қаймоқранглилар" 25 ёшли футболчининг хизматларига жиддий қизиқиш билдирмоқда. Аввалроқ мадридликлар ушбу трансфер имконсиз, дея баҳолаб ундан воз кечганди. Бироқ "қироллик клуби" ушбу трансферга яна қайтган ва супер юлдуз учун 130 миллион евро тўлашга тайёр эканини маълум қилган. 

Ўтган мавсумда Витинья умумий 59 та ўйинда майдонга тушиб, 8 гол урди ва 5 та голли узатмани амалга оширди. Футболчи якунига етган мавсумда клуб ва терма жамоа билан умумий 5 совринни қўлга киритди.