“Реал” хўжайини ўта катта трансферга қўл урмоқда

“Реал” келаси мавсум олдидан таркибни кучайтириш режаларини тузмоқда. Машҳур журналист Кристиан Фальк ўз сайтида маълум қилишича, мадридликлар “Бавария” ҳужумкор футболчиси Майкл Олисе трансфери учун ҳаракатларни кучайтириши кутиляпти.

Қайд этилишича, “Қироллик клуби” президенти Флорентино Перес Олисенинг сешанба куни “Реал”га қарши ўйинидан ҳайратда қолган.

Перес уни ўз жамоаси сафида кўришни истамоқда. “Реал” келаётган ёзда 24 ёшли футболчи учун 160–165 миллион евро миқдорида таклиф киритиш имкониятини кўриб чиқмоқда.

Шу билан бирга, ўтган ой “Бавария” ҳатто жуда катта маблағ эвазига ҳам Майклни сотишни истамаслигини билдирган эди.

2025-2026 йилги мавсумда Майкл Олисе клуб даражасида 42 та ўйин ўтказиб, 17 та гол урди ва 29 та голли узатма амалга оширди.