“Реал”: Холанд ўрнига шу футболчини оламиз

“Қироллик клуби” ёзги трансферлар вақтидаги нишонларидан бири Эрлинг Холандни қўлга кирита олмаслиги мумкин. Бу ўйинчини олиш учун катта харажат қилишга тўғри келади.

Мадридликлар агар бу трансферни ўхшата олмаса, бошқа тўпурарга эътибор қаратишни режалаштирган.  

Маълумотларга қараганда, Флорентино Перес рўйхатида “Фиорентина” тўпурари Душан Влаховичнинг ҳам фамилияси бор. Агар Холанднинг трансфери амалга ошмаса, мадридликлар сербиялик ҳужумчини олиб келади.

Душан Влахович жорий мавсумда А Серияда 19 та учрашувда 16 та гол урди ва ёзда кучлироқ клубга ўтиш мақсадида флоренцияликлар билан янги шартнома тузмасликка қарор қилди.