“Реал” Холандни оладиган бўлди

Мадриднинг “Реал” клуби президенти Флорентино Перес “Манчестер Сити” ҳужумчиси Эрлинг Холандни ўз жамоасига олиб келишни истамоқда, деб хабар беради Sky Sport нашри.

Манбага кўра, трансфер 2026 йилнинг ёздаёқ амалга ошиши мумкин. Бу борада Холанднинг ўзи ва унинг агенти Рафаэла Пимента билан алоқалар ўрнатилган.

Холанд Испанияга катта қизиқиш билан қарайди ва Мадриднинг “Реал” клубида ўйнашни ўз карьерасидаги асосий мақсад, деб ҳисоблайди.

Экспертларнинг таъкидлашича, Холанднинг трансферига эришиш ҳатто “Реал”дек қудратли клуб учун ҳам осон бўлмайди. Чунки норвегиялик тўпурарнинг “Манчестер Сити” билан 2034 йилгача амал қиладиган шартномаси бор. Бу битимга кўра, 25 ёшли ҳужумчи даҳшатли даражада катта маош олади.