“Реал” яна бир 100 миллионлик трансферга қўл урмоқда

Европа матбуотининг хабар беришича, “Реал” келаси йили ёзда яна бир суперфутболчини олишга қарор қилди.

Мадридликлар “Боруссия” ярим ҳимоячиси Жуд Беллингемни қўлга киритмоқчи бўляпти. “Қироллик” клуби англиялик чарм тўп устаси учун 90 миллион евро таклиф қилмоқда. Бундан ташқари, турли бонуслар билан бу суммани 100 миллион еврога етказмоқчи.

Мана шу йўл билан “Реал” Беллингемга даъвогарлик қилаётган “Челси” ва “Ливерпуль”ни курашдан чиқаришни мўлжаллаган.

“Реал” келаси мавсумдан майдон марказини янгилайди. Ҳозирча, мураббийлар штаби келажак учун пойдевор яратиб, ўрта чизиқда Эдуардо Камавинга, Федерико Вальверде ва янги олинган Орельен Чуаменини ўйнатмоқчи. Удар ёши ўтиб қолаётган Каземиро, Лука Модрич ва Тони Кросс ўрнини эгаллайди.

Келаси йили улар қаторига Жуд Беллингем ҳам қўшилиши кутилмоқда.