"Реал" яна бир ҳимоячиси жароҳат олганини эълон қилди

Мадриднинг "Реал" клуби 27 ёшли бразилиялик ҳимоячи Эдер Милитао жароҳат олгани ҳақида хабар тарқатди. Бу ҳақдаги маълумот "Қироллик клуби" расмий сайтида эълон қилинди.

"Бугун Мадриднинг "Реал" клуби тиббий хизмати томонидан ўтказилган текширув натижаларига кўра, футболчимиз Эдер Милитао ўнг оёғининг катта яқинлаштирувчи мушаги шикастлангани аниқланди. Батавсил янгиликлар кейинроқ эълон қилинади", - дейилади "Реал" расмий сайти тарқатган хабарда.

Футболчи "Декатлон Арена - Пер-Моруа" (Вилнев-д'Аск, Франция) стадионида бўлиб ўтган Бразилия ва Тунис терма жамоалари ўртасидаги ўртоқлик ўйинида жароҳат олиб, учрашувнинг 60-дақиқасида захирага олинди.