"Реал" яна бир ёш иқтидорга қизиқмоқда

"As" нашри хабарига кўра, "Реал" Мадрид клуби "Боруссия" Дортмунд футболчиси Жуд Беллингемни энг устувор вариант сифатида кўрмоқда. Ярим ҳимоячининг ўзи ҳам Мадридда ўйнамоқчи.

Футболчининг розилиги "Реал"га ўтиш жараёнини тезлаштиради ва мадридликлар бошқа катта пул таклиф қиладиган жамоалар билан рақобатлашишига ҳожат ҳам қолмайди.

Футболчи бу вариантни Англияга қайтишдан кўра афзал кўряпти. Унга АПЛнинг "Манчестер Юнайтед", "Манчестер Сити" ва "Ливерпуль" жамоалари ҳам харидор.

Эслатиб ўтамиз, 19 ёшли футболчи жорий мавсумда Бундеслиганинг 15 та учрашувида қатнашиб, 3 та гол ва 2 та голли узатма амалга оширди. Унинг ҳозирги нархи 120 миллион евро.