“Real” yangi oʻyinchi tanladi

Madridning “Real” jamoasi yozda tarkibda oʻzgarish qilishni rejalashtirmoqda. Bu jarayonda klub rahbariyati himoya chizigʻini mustahkamlashga alohida eʼtibor qaratadi.

Markaziy himoyachi pozitsiyasi uchun ustuvor nomzod sifatida “Liverpool” futbolchisi Ibrohim Konate tanlangan, deb xabar beradi Diario Sport nashri vakillari.

Fransiyalik futbolchi agar “Liverpool” bilan shartnomasini uzaytirmasa, iyun oxirida erkin agent sifatida boshqa jamoaga oʻtishi mumkin boʻladi.

“Real” oʻtgan yili ham Konatega asosiy daʼvogarlardan biri sifatida eʼtirof etgan, biroq keyinchalik qiziqish susaygan edi.

Soʻnggi haftalarda 26 yoshli futbolchining Madriddga koʻchishi haqidagi mish-mishlar yana kuchaydi. “Liverpool” hamon tajribali himoyachini jamoa bilan hamkorlikni uzaytirishga koʻndirishga harakat qilmoqda.

Transfermarkt uning qiymatini 50 million yevro deb baholamoqda.