“Реал” янгича чемпионатга Роналду ва яна тўрт юлдузни олиб келади, етти ўйинчига жавоб беради

ФИФА клублар учун янги форматдаги жаҳон чемпионатини ташкил қиляпти. Бу мусобақада қатнашадиган клубларга 1-10 июнь кунлари ўз таркибларига олти нафаргача янги ўйинчи қўшиб олиш учун имконият берилади.

Бир неча манбалар, хусусан Eldesmarque, Defensa Central ва Fichajes каби нашрларнинг маълум қилишича, “Реал” мусобақа олдидан бешта катта трансферни амалга оширишни режалаштиряпти.

Биринчи навбатда, мадридликлар “Ан-Наср” билан шартномаси якунланаётган Криштиану Роналдуни таклиф этмоқчи. Мадридликлар ҳеч бўлмаганда, 40 ёшли юлдузни мусобақа учун ижарага олиш вариантини ҳам кўриб чиқмоқда.

“Қироллик клуби” рўйхатида узоқ муддатга мўлжалланган яна тўрт футболчи – Трент Александр-Арнольд, Дин Хёйсен, Мартин Субименди ҳамжа Ибраима Конате бор.

Манбаларнинг маълум қилишича, жаҳон чемпионати олдидан “Реал”ни етти нафар ўйинчи – Лука Модрич, Арда Гюлер, Хесус Вальехо, Камавинга, Тчуамени, Давид Алаба ва Родриго Гоэс тарк этиши мумкин.