"Реал" Йович билан келишувга эришди, у янги мавсумни Мадридда бошлайди

Франкфуртнинг "Айнтрахт" клуби форварди Лука Йович янги мавсумни "Реал"да бошлайди.

AS нашри тарқатган хабарга кўра “қироллик клуби” 21 ёшли сербиялик футболчининг трансфери бўйича келишувга эришган. Унга кўра Йовичнинг трансфери мадридликларга 60 миллион еврога тушади. Ушбу маблағнинг 48 миллионини "Айнтрахт" олади. 12 млн евро эса унинг собиқ жамоаси ҳисобланган "Бенфика"га насиб этади.

Таъкидлаш керакки, "Реал" Йович учун курашда "Бавария" ва ПСЖ каби жамоаларни ортда қолдирди.

Маълумот учун, Йович жорий мавсум “Айнтрахт” сафида жами 44та ўйинда майдонга тушди ва ўз ҳисобига 26та гол ҳамда 7та голли узатма ёздириб қўйишга эришди.

Фикрлар

Фикр қолдириш учун авторизациядан ўтинг!