“Реал” юлдузи 150 миллион еврога Ҳусанов жамоасига кетиши кутиляпти

“Реал” ҳужумкор футболчиси Родриго Гоэс анчадан бери Европанинг бир неча гранд клубларини қизиқтириб келади.

Хусусан, “Манчестер Сити” бош мураббийи Хосеп Гвардиола ҳам бразилиялик юлдузни ўз шогирдлари  орасида кўришни истайди.

Todofichajes нашрининг маълум қилишича, “шаҳарликлар” 24 ёшли фуболчи учун 150 миллион евро харажат қилишни режалаштирган.

Родригонинг мадридликлар билан шартномаси 2028 йилнинг ярмигача давом этиши белгиланган. Бу ҳужумчи жорий мавсумда 21 та учрашувда иштирок этиб, олтита гол ва бешта ассист муаллифи бўлди.

Transfermarkt экспертлари бу футболчини 100 миллион еврога баҳоламоқда. Манчестерликлар таклиф қилаётган сумма “Реал” раҳбариятини қониқтириши мумкинлиги айтиляпти.