“Реал” юлдузига кутилмаган харидор чиқди

“Реал” ярим ҳимоячи Тони Кросс мавсум охирида эркин агентга айланади. Германиялик футболчида фаолиятини Италия чемпионатида давом эттириш варианти пайдо бўлди.

“Ювентус” клуби 33 ёшли футболчига шартнома беришга тайёр. Туринликлар Тони Кроосни январь ойида ўз сафига қўшиб олмоқчи ва маълум миқдорда бадал пули тўлашга ҳам рози.

Тони Кроос жорий мавсумда 18 та учрашувда майдонга тушиб, ўз ҳисобига битта гол ва олтита ассист расмийлаштирди. Унинг трансфери 14 миллион еврога баҳоланмоқда.

Бу футболчига Англия Премьер лигаси ва Германия Бундеслигаси жамоаларидан ҳам чорлов бўляпти.