"Реал" Зиданни ортга қайтармоқчи эмас

Хаби Алонсо бошчилигидаги "Реал Мадрид" сўнгги ўйинларда қониқарсиз натижалар қайд этаётгани сабабли, клуб у билан хайрлашиши мумкинлиги ҳақида миш-мишлар чиқди.

Испан ОАВда тарқалган хабарларга кўра, “қаймоқранглилар”ни Зинедин Зидан бошқариши айтилинмоқда. Бироқ француз мутахассисининг Мадрид клубига учинчи бор қайтиши жуда паст эҳтимолга эга деб баҳоланмоқда.

Transfer News Live нашрининг ASга таянилиб хабар беришича, "Реал" Зиданни бош мураббийликка қайтаришни умуман кўриб чиқмаяпти.

Қайд этилишича, Зидан Франция Футбол Федерацияси билан фаол музокаралар олиб бормоқда ва катта эҳтимол билан 2026 йилги Жаҳон чемпионатидан сўнг миллий жамоа бош мураббийи Дидье Дешамнинг ўрнини эгаллаши кутилмоқда.

Маълумот учун, қироллик клуби “Селта”га 0:2 ҳисобида мағлуб бўлгач, Ла Лига турнир жадвалида “Барселона”дан 4 очкога ортда қолмоқда.