“Реал”да ишлаган бўлса ҳам, бизга керак эмас

Испания терма жамоаси ва “Реал”нинг собиқ бош мураббийи Хулен Лопетеги ўз хизматларини Италия чемпиони “Наполи”га таклиф қилди.

Corriere dello Sport нашрининг ёзишича, испаниялик мураббий Неаполь клубида ишламоқчи ва бу борада клуб президенти Аурелио Де Лаурентис билан гаплашди. Бироқ “Наполи” хўжайини мураббий таклифига жавоб қайтармади.

“Наполи”ни ўтган мавсум чемпионига айлантирган Лучано Спалетти Италия терма жамоасига бош мураббий қилиб тайинланганидан кейин унинг ўрнини Руди Гарсия эгаллади.

Ҳозир “Наполи”да ўйин сифати сезиларди даражада пасайган. Амалдаги чемпион А Серияда саккизта учрашувдан тенг ярмида очко йўқотди.

“Наполи” раҳбарияти бош мураббийликка Антонио Контени олиб келмоқчи. Шу боис, улар Хулен Лапотеги таклифига қизиқиш билдирмагани айтилмоқда.