“Реал”да катта йўқотиш: Мбаппе нечта ўйин ўтказиб юбориши аниқ бўлди

“Реал” клуби жамоа тўпурари Килиан Мбаппенинг жароҳатланганини расман тасдиқлаган эди. МРТ текшируви жароҳат мавжудлигини тасдиқлади. Бу ҳақда L’Équipe хабар бермоқда.

Манба маълумотларига кўра, тиббий кўрик футболчининг аҳволини тўғри баҳолаш ва аниқ ташшхис қўйиш имконини берди. Жароҳат туридан келиб чиқиб, Мбаппе муайян вақт давомида даволаниш ва дам олиши талаб қилинади. Мбаппе бир неча ҳафта майдонга туша олмайди.

Агар вазият жиддий ўзгаришларга дуч келмаса, Килиан камида қуйидаги ўйинларни ўтказиб юборади:

• Ла Лигада “Бетис”га қарши ўйин (4 январь),
• Испания Суперкубоги ярим финалида “Атлетико”га қарши баҳс (8 январь),
• агар “Реал” финалга чиқса, турнир финали (11 январь).

Бундан ташқари, франциялик футболчи Ла Лигада “Леванте”га қарши ўйинда (17 январь) ҳамда Чемпионлар лигаси умумий босқичида “Монако” билан бўладиган учрашувда (20 январь) ҳам иштирок этмайди.

Мбаппе 2024 йилнинг ёзидан бери “Реал” сафида ўйнамоқда. Шу пайтга қадар у “Қироллик клуби” таркибида 83 та учрашувда майдонга тушиб, 73 та гол ва 10 та голли узатмага муаллифлик қилган. Унинг клуб билан тузилган шартномаси 2029 йилнинг июнига қадар амал қилади.