“Real”dan birinchi ketadiganlar olti futbolchi nomi aniq bo‘ldi

“Real” joriy mavsum yakunlangandan keyin asosiy jamoaning bir necha futbolchilari bilan xayrlashishni rejalashtiryapti.

So‘nggi ma’lumotlarga ko‘ra, klub xo‘jayinlari 30 iyun kuni shartnomasi yakunlanadigan avstriyalik himoyachi David Alaba bilan hamkorlikni uzatirmaslikka qaror qildi.

Yana bir himoyachi Raul Asensio ham transferga qo‘yiladigan futbolchi sifatida ko‘rilmoqda. Bu haqida The Athletic xabar berdi.

Manbaning ta’kidlashicha, yarim himoyachi Daniel Sebalyos yozda Madrid klubini tark etib, “Betis”ga qaytish  istagini bildirgan.

“Qirollik klubi”da hujumchi Gonsalo Garsiya ham jamoani tark etadigan bo‘ldi. Madridlilar hujum chizig‘iga yanvarda “Lyon”ga ijaraga berilgan Endrikni qaytarishni ma’qul topdi.

Shu bilan birga tajribali himoyachilardan Daniel Karvaxal va Antonio Ryudiger  vaziyati noaniqligicha qolmoqda, ularning shartnomalari ham kelasi yozda tugaydi, biroq hali yakuniy to‘xtamga kelinmadi.