“Реал”дек буюк клубда ақлсиз футболчиларни кўриш жонга тегди

Испаниянинг “Реал Мадрид” клуби собиқ скаути Маноло Ромеро жамоа футболчиларини Чемпионлар лигасидан чиқиб кетганидан сўнг кескин танқид қилди.

- Энг аввало, ақлли футболчиларни харид қилиш керак. Мен тарихдаги энг буюк клуб футболкасини кийиб юрган ақлсиз футболчиларни кўришдан чарчадим, - деди Ромеро Cadena Ser нашрига.

Эслатиб ўтамиз, икки ўйин натижасига кўра “Реал Мадрид” футболчилари “Бавария”га умумий 4:6 ҳисобида мағлуб бўлиб, Чемпионлар лигаси чорак финалида мусобақани тарк этди.

Ҳозирги кунда Испания чемпионатида мадридликлар   иккинчи ўринни эгаллаб турибди ва етакчи Барселонадан тўққиз очкога ортда қолмоқда.

Альваро Арбелоа бошчилигида “Реал” намойиш қилаётган ўйин ва кўрсатаётган натижалар кўп эътирозларга сабаб бўлмоқда. Келаси мавсум олдидан жамоа таркибида жиддий ўзгаришлар бўлиши кутилмоқда.