“Реал”га “Барса” тарбиялаган вундеркинд керак

“Реал” раҳбарияти Испания ўсмирлар терма жамоаси ҳужумчиси Икер Бравога жиддий қизиқиш билдирмоқда.

17 ёшли футболчи “Барселона” тарбияланувчиси ҳисобланади ва фаолиятини Бундеслига вакили “Байер”нинг ёшлар жамоаси сафида давом эттирмоқда.

Икер Браво Испания ўсмирлар терма жамоасида тўпурарлик маҳоратини намойиш қилиб келмоқда. Истеъдодли футболчи 14 та учрашувда рақиблар дарвозасини 11 маротаба ишғол қилди.

Бундан ташқари, ёш ўйинчи “Байер” жамоаси асосий таркибида ҳам икки марта майдонга тушишга улгурган.