“Реал”га жанжаллашган Вальвердени сотиш учун учта сабаб келтирилди

Мадриднинг “Реал” клуби ярим ҳимоячиси Федерико Вальверде келаси ёзда сотиб юборилиши мумкин бўлган номзодлар рўйхатига киритилди. Уругвайлик футболчининг эҳтимолий кетиши ҳақидаги гап-сўзлар унинг жамоадоши Орельен Тчуамени билан муштлашганидан кейин янада кўпроқ тарқаляпти.

Le Journal du Real маълумотларига кўра, “Қироллик клуби” раҳбарияти 27 ёшли ярим ҳимоячи билан хайрлашиш ҳақида жиддий ўйлаб қолган. Бунга учта сабаб келтирилмоқда.

Бунга сабаб сифатида нафақат юқоридаги можаро, балки жамоанинг собиқ мураббийи Хаби Алонсо билан бўлиб ўтган ва жамоанинг ички муҳитига салбий таъсир қилган келишмовчиликлар ҳам кўрсатилмоқда.

Қайд этилишича, “Реал” барча футболчиларга сабоқ бермоқчи ва Вальверденинг сотилиши ҳатто обрўли ўйинчилар ҳам ҳамма нарсадан жазосиз қутулиб кетмаслигини кўрсатувчи кучли сигнал бўлади.

Ниҳоят, учинчи сабаб – трансфер бозоридаги талаб: кўплаб клублар Федерико учун катта маблағ таклиф қилишга тайёр ва  мадридликлар бундан фойдаланиши мумкин.