"Реал"га Кепа ёқиб қолди

"Реал" дарвозабон Кепа Аррисабалагани "Челси"дан тўлақонли сотиб олишга қарши эмас. Бу ҳақда "The Sun" нашри ёзмоқда. 

Манбанинг хабарига кўра, "қироллик клуби" дарвозабон учун 17,5 миллион фунт тўлашга тайёр. Агар лондонликлар кўпроқ сумма талаб қилса, трансфер амалга ошмайди. 

Эслатиб ўтамиз, Кепа айни дамда Мадрид клубида ижара асосида ҳаракат қилмоқда. Томонлар ўртасидаги келишув 2023/24 мавсуми якунига қадар мўлжалланган.