“Реал”га Клопп келса, сен иккаланг кетасан!

“Реал” клуб хўжайини Флорентино Перес жамоа бошқарувига тажрибали мураббий Юрген Клоппни олиб келишни орзу қиляпти ва бу борада амалий ҳаракатларини бошлаб юборган.

Илгари “Боруссия Дортмунд” ва “Ливерпуль”ни муваффақиятли бошқарган немис мураббий агар 2026 йилнинг ёзида “Реал”ни қабул олса, клубдан трансферлар ва жамоадаги кадрлар масаласини тўлиқ назоратини беришни талаб қилади.

Бу ҳақда Topskills Sports UK аккаунти Испания манбаларига таяниб хабар берди.

Манбага кўра, Клоппнинг режаларига мадридликларнинг икки нафар қанот ҳимоячилари – Даниэль Карвахаль ва Ферлан Менди кирмайди.

Юрген Клопп ўз жамоаларида ўзи қўллайдиган тактика ва ўйин услубларига мос тушадиган, унинг талабларига тўғри келадиган ўйинчиларнигина ўйнатади.