“Реал”га ўтмасам бўлмайди

ПСЖ ҳимоячиси Ашраф Ҳакими ўзини тарбиялаган “Реал”га қайтишни истаяпти, деб хабар тарқатди L’Équipe нашри.

ПСЖнинг қатарлик хўжайинлари марокашлик футболчини қўйиб юборишга тайёр эмас. Бироқ, Ашрафнинг ўзи муҳитни ўзгартиришни истаяпти.

Мадридликлар ўнг қанот ҳимоячиси Даниэль Карвахаль ўрнига тезкор ўйинчи қидиряпти. Ҳакими айнан мана шу қанотни тўлалигича ёпа олади.

Ҳакими ўз вақтида “Реал” асосий таркибига кира олмаган. Бироқ, кейин ўйнаган жамоалари – “Боруссия” ва “Интер”да етакчи ўйинчилардан ҳисобланган. Хусусан, ПСЖ да ҳам асосий фигуралардан бири сифатида жорий мавсумда 37 та ўйинда қатнашди. Бу баҳсларда тўртта гол ва бешта ассист қайд этди.