"Реал"ни 3 та соврин ютган мураббий бошқариши мумкин

Мадриднинг "Реал" клуби бош мураббий лавозимига яна бир номзодни кўриб чиқмоқда.Маълум қилинишича, жамоани ҳозир бошқараётган Альваро Арбелоанинг 2025/26 мавсум якунидан сўнг ўз вазифасида қолиш эҳтимоли жуда паст баҳоланмоқда.

ESPN хабарига кўра, мутахассис жамоада қолиши учун ё мўъжиза содир бўлиши, ёки Чемпионлар лигасида ғалаба қозониши керак бўлади. Манбага кўра, Арбелоа ўрнига ҳозирда АҚШ терма жамоасини бошқараётган Маурисио Почеттино тайинланиши мумкин.

Маълумотларга қараганда, ёзда мадридликлар аргентиналик мутахассисни таклиф қилиши, Арбелоага эса клубда бошқа лавозим берилиши эҳтимолдан ҳоли эмас. Клуб президенти Флорентино Перес Почеттино билан шартнома имзолашни 2019 йилдаёқ истаган ва 54 ёшли мураббийни юқори баҳолайди.

Маълумот учун, ҳозирда "қаймоқранглилар" Ла Лига турнир жадвалида 27 турдан сўнг 63 очко билан иккинчи ўринда бормоқда. Пешқадам "Барселона"дан фарқ 4 очкони ташкил қилмоқда.

Чемпионлар лигаси 1/8 финалида мадридликлар "Манчестер Сити"га қарши ўйнайди. Учрашувлар 11 ва 17 март кунлари бўлиб ўтади. Агар "Реал" кейинги босқичга чиқса, "Бавария" ёки "Аталанта" билан тўқнаш келади. Маурисио Почеттино 2009 йилдан бери мураббийлик қилиб келади. У 17 йиллик фаолияти давомида Францияда ПСЖ билан Лига 1 чемпионлиги, Франсия кубоги ҳамда Суперкубокни қўлга киритган.