"Реал"ни бошқарган икки супер мутахассисдан бири "Ан-Наср" мураббийлик постига келиши кутилмоқда

Кеча, пайшанба куни "Ан-Наср" клуби Руди Гарсия бош мураббий сифатида кетганини эълон қилди. Жамоага Динко Йеличич вақтинчалик мураббий этиб тайинланди. "CBS Sports" нашри хабарига кўра, риёдликлар раҳбарияти кучли мутахассис олишга бел боғлаган.

Манбага кўра, икки юлдуз мураббий "Ан-Наср"нинг радарига тушган. Булар - Зинедин Зидан ва Жозе Моуриньо. Франциялик мутахассис айни дамда ишсиз, португалиялик эса "Рома" бошқарувида ишламоқда.

Тахминларга кўра, Саудия клуби ҳужумчиси Криштиану Роналду янги бош мураббийни танлашда иштирок этмоқда.

Олдинроқ жамоа Моуриньога икки мавсумлик шартнома учун 100 миллион евро таклиф қилгани хабар қилинган эди.