"Реал"нинг асосий футболчиси кейинги ўйинни ҳам ўтказиб юборади

"Реал Мадрид" ҳужумчи Килиан Мбаппенинг касалхонага ётқизилгани ҳақида маълум қилганди.

Франциялик ҳужумчида ўткир гастроэнтерит аниқланган. Бундан олдин Мбаппе касаллик туфайли бир неча машғулотни ўтказиб юборган ва ҳатто карантинга олинган эди. Клублар ўртасидаги Жаҳон чемпионати гуруҳ босқичининг биринчи турида "Ал-Ҳилол"га қарши ўйинда Килиан иштирок этмади.

"Marca" нашрининг хабар беришича, Мбаппе "Реал"нинг турнирдаги иккинчи ўйинини - 22 июнда "Пачука"га қарши бўладиган учрашувни ҳам ўтказиб юборади. 

Эслатиб ўтамиз, "Реал" ва "Ал-Ҳилол" жамоалари ўртасидаги ўйин 1:1 ҳисобида дуранг билан якунланди. Федерико Валверде ўйин якунида пенальтидан унумли фойдалана олмади.