Эртадан Европа Чемпионлар Лигаси чорак финал босқичидан ўрин олган учрашувларга старт берилади. 

Дастлабки куннинг асосий беллашуви Мадридда кечади. Унда "Реал" "Ливерпуль"ни қабул қилади. Ушбу ўйин учун "қаймоқранглилар" қайдномаси эълон қилинди. Унга 21 нафар футболчи киритилди.

Кутилганидек, Серхио Рамос жароҳат олганлиги сабаб, ушбу рўйхатдан тушиб қолди. Шунингдек, сафга қайтиши тахмин қилинган Эден Азар ҳам "Ливерпуль"га қарши ўйинда майдонга туша олмайди. Шунга қарамай, анчадан бери тикланиш жараёнини бошдан ўтказаётган Федерико Вальверде таркибга қайтди.

Маълумот учун, мазкур жамоаларнинг сўнгги тўқнашуви ЕЧЛ-2017/18 йилги мавсум финалига тўғри келганди. Унда "Қироллик клуби" 3:1 ҳисобида ғалаба қозониб, ўз тарихида 13 бор Европа тахтини забт этганди.  

photo_2021-04-05_17-53-54

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
SHAXBOZ BEKMURODOV
06/04/2021 17:59
Avvallaro shu sayt xabar oxirida o‘yin qachon bo‘lishini yozib utardi endi aynidi

Минбар

Барча блоглар