"Реал"нинг яна бир футболчиси ижарага кетди

Мадриднинг "Реал" клуби ярим ҳимоячиси Мартин Эдегор янги 2019/20 йилги мавсумни "Реале Сосьедад" сафида ижарада ўтказади. Бу ҳақда сан-себастьянликлар расмий сайти хабар тарқатмоқда.

Эслатиб ўтамиз, 20 ёшли норвегиялик футболчи ўтган мавсумни Голландиянинг “Витесс” клубида ижарада ўтказди ва 39та ўйинда майдонга тушиб, ўз ҳисобига 11та гол ҳамда 12та голли узатма ёздириб қўйишга эришди.