"Реал"нинг юлдузи янги мавсумда "омадли рақам"да ўйнайди

"Реал" вингери Винисиус Жуниор келаси мавсумда янги рақам остида ҳаракат қилади. Бу ҳақда "Defensa Central" нашри хабар бермоқда.

Манбанинг маълум қилишича, бразилиялик футболчи янги мавсумда 7-рақамда ўйнаши кутилмоқда. У "қироллик клуби" сафида аввалига 25, ҳозир эса 20 рақамда ҳаракат қилади. 

Катта эҳтимол билан ёзги трансфер вақтида Эден Азар мадридликлар билан хайрлашади ва 2019 йилдан кейин илк марта 7 рақам бўшайди. Криштиану Роналду кетгач ушбу рақамда Мариано ва Эден ўйнади.