Рэшфорд "Барселона"га келиб қўшилгани ва МЮдан кетиши ҳақида гапирди

"Манчестер Юнайтед" ҳужумчиси Маркус Рэшфорд "Барселона"га ижара асосида, кейинчалик тўлиқ трансфер қилиш ҳуқуқи билан ўтди. Англиялик футболчи каталонияликлар сафидаги фаолиятини бошлаш арафасида клуб матбуот хизматининг саволларига жавоб берди.

"Барса"га ўтиш ҳақида:

"Ҳа, бу қарорни қабул қилиш мен учун осон бўлди. Бу ерга келишни анча аввал, эҳтимол, январдаёқ хоҳлаганман. Ярим йил ўтди ва яна бир бор қарор қабул қилиш вақти келди ва бу қарорни аллақачон қабул қилган эдим".

Ханс-Дитер Фликнинг таъсири ҳақида:

"Бу қароримга катта таъсир қилган омиллардан бири айнан у билан бўлган суҳбатлар бўлди. У ўтган мавсумда ва бутун мураббийлик фаолияти давомида кўрсатган ишлари билан ўзининг энг яхши мутахассислардан бири эканини исботлади. Жуда ёш таркиб билан яхши натижаларга эришди ва кейинги мавсум олдидан янада катта мақсадлар қўйди.

Менинг орзуим шу ерда бўлиш эди. Энди иш бошлашни, "Барселона"дан ўрганишни ва ўйнашни сабрсизлик билан кутяпман".

"Манчестер Юнайтед"дан кетиши ҳақида:

"Манчестер Юнайтед" ҳозир ўзгариш даврини бошдан кечирмоқда. Бу клуб менинг ҳаётим ва фаолиятимда катта ўрин тутган, у ҳақида ёмон гап айта олмайман. Уларга келажакда омад ва муваффақият тилайман" – деди Рэшфорд клуб ТВсига берган интервьюсида.